A A A Ц Ц Ц Ц

ШРИФТ:

Arial Times New Roman

ИНТЕРВАЛ:

х1 х1.5 х2

ИЗОБРАЖЕНИЯ:

Черно-белые Цветные
МБОУ ''Арктическая гимназия''

МБОУ "Арктическая гимназия"

Дьокуускай куоракка Ил Дархан Саҥа дьыллааҕы харыйата уопсастыбаннай олоххо көхтөөх, араас таһымнаах күрэхтэргэ, олимпиадаларга ситиһиилээхтик кыттар 700 үөрэнээччини бииргэ түмтэ. Ахсынньы 23 күнүгэр судаарыстыбаннай сыырка дьиэтигэр тэрийээччилэр ыҥырыылаах ыалдьыттарга Г.Х. Андерсен “Снежная Королева” остуоруйатыттан саҥа дьыллааҕы туруорууну көрдөрбүттэр.

Бу күн оҕолорго Zavod үҥкүү студията уонна Snow voice бөлөх бэйэлэрин нүөмэрдэрин бэлэх ууммуттар. Саха сирин баһылыга Айсен Николаев оҕолору кэлэн иһэр Саҥа 2019 сылынан эҕэрдэлээбит. Бэлиэтээн эттэххэ, үгэс быһыытынан ыытыллар Саха сирин Ил Дарханын Саҥа дьыллааҕы харыйата үөрэхтэригэр, спорт эйгэтигэр ураты ситиһиилээх, талааннаах оҕолору түмэ тардар бырааһынньыгынан буолар.

Булуҥ улууһуттан Үөрэх таһынааҕы үлэ киинин методиһа Мария Капитонова салайааччылаах алта оҕо кыттыыны ылла: Бороҕон нэһилиэгиттэн Карина Сивцева, Тиксииттэн Игорь Овчинников, Антон Горохов, Күһүүртэн Сергей Слепцов, Таймылыыртан Валентин Стручков уонна Быыкаптан Арсен Дьяконов. Ахсынньы 21­23 бырааһынньыктааҕы күннэргэ үөрэнээччилэри музейдарга, театрдарга, “Россия – моя история” диэн историческэй паркаҕа, “Кванториум” оҕо технопаркатыгар сырытыннарбыттарын Мария Леонидовна этэр.

Технопаркаҕа оҕолору туохха үөрэтэллэрин кэпсээн билиһиннэрбиттэр уонна оҕолор оҥоһуктара дьыалатыгар хайдах үлэлииллэрин көрдөрбүттэр. “Сосновый Бор” лааҕырга олорор кэммитигэр араас улуустартан сылдьар оҕолору кытта билсэн, өссө үгүс доҕоттордоннубут”, – диэн Күһүүр оскуолатын үөрэнээччитэ Сергей Слепцов этэр. “Маннык үрдүк таһымнаах тэрээһиҥҥэ баран кыттыыны ылбыппыт биһиги дьолбут буолар. Тэрээһин таһыма күүтүллүбүтүн курдук, биһигини барыбытын сөхтөрдө. Ил Дархан Саҥа дьыллааҕы харыйата бырааһынньык чэрчитинэн араас таһымнаах тэрээһиннэр ыытыллыбыттара.

Холобура, үөрэнээччилэргэ “Воркшоп” (“Workshop”) аһаҕас уруок буолбута. Уруок “Мин лиидэрбин” диэн тиэмэҕэ ыытыллыбыта, лиидэр киһи хайдах буолуохтааҕын, ханнык хаачыстыбалары баһылыахтааҕын ырыппыппыт, бэйэбит санаабытын үллэстибиппит. Олохпутугар умнуллубат күннэрбитигэр биһигини үчүгэйдик көрсүбүт, илдьэ сылдьыбыт салайааччыларбытыгар барыларыгар барҕа махталбытын тиэрдэбит”, – диэн Арктикатааҕы гимназия 11 кылааһын үөрэнээччитэ Игорь Овчинников кэпсиир.

По материалам газеты "Маяк Арктики"

1664918133
© 2024. Сайт МБОУ "Арктическая гимназия". Все права защищены
Для того, чтобы мы могли качественно предоставить Вам услуги, мы используем cookies, которые сохраняются на Вашем компьютере. Нажимая СОГЛАСЕН, Вы подтверждаете то, что Вы проинформированы об использовании cookies на нашем сайте. Отключить cookies Вы можете в настройках своего браузера.
Согласен