ВКЛ / ВЫКЛ: ИЗОБРАЖЕНИЯ: ШРИФТ: A A A ФОН: Ц Ц Ц Ц
Арктическая гимназия
Муниципальное бюджетное общеобразовательное учреждение
Муниципального образования «Булунский улус (район)» Республики Саха (Якутия)
п. Тикси, ул 50 лет Севморпути, 8
+74116752917
tiksi_amg@mail.ru

Арктическая гимназия

Муниципальное бюджетное общеобразовательное учреждение
Муниципального образования «Булунский улус (район)» Республики Саха (Якутия)
МБОУ ''Арктическая гимназия''

Обращение к директору гимназии

Обратная связь

Ваше сообщение было успешно отправлено

Новости образования РФ

×

Предупреждение

JFolder: :files: Путь ведёт не к каталогу. Путь: /home/users/j/jegesseuola/domains/ag-tiksi.ru/images/2019/may
×

Внимание

Была проблема загрузки изображения галереи. Пожалуйста, убедитесь, что верно указан путь к папке и папка содержит допустимые файлы изображения. Плагин не может найти папку: images/2019/may
b_250_160_16777215_00_images_fornews_2019_mart_31_tiksi-o5oloro.jpg

Бу күннэргэ Тиксии бөһүөлэгэр Төрөөбүт тыл уонна сурук­бичик декадатын чэрчитинэн араас хайысхалаах тэрээһиннэр ыытыллан түмүктэннилэр.

Олунньу 22 күнүгэр Култуурнай­спортивнай комплекс аактабай саалатыгар оскуола үөрэнээччилэригэр "Два языка – два родника" диэн ааттаах тэрээһин буолбутун КСК үлэһитэ Виктория САМОЙЛОВА этэр. Икки тылынан ыытыллыбыт тэрээһиҥҥэ Арктикатааҕы гимназия уонна Тиксиитээҕи маҥнайгы нүөмэрдээх оскуола үөрэнээччилэрэ көхтөөх кыттыыны ылбыттар.

Инники сылларга Төрөөбүт тыл күнүгэр ыытыллар тэрээһиннэр куруук сахалыы тылынан барар эбит буоллахтарына, быйылгы оонньууну тэрийээччилэр чыҥха атын, уратылаахтык тэрийбиттэр. Биллэрин курдук Тиксии бөһүөлэгин дьоно­сэргэтэ күннээҕи олоҕор икки тылынан саҥарар. "Два языка – два родника" тэрээһиҥҥэ икки оскуолаттан алталыы оҕолоох хамаандалар турбуттар.

Бастакы түһүмэххэ оҕолор бэйэлэрин тустарынан уонна хамаандаларын билиһиннэрбиттэр. Ол курдук Арктикатааҕы гимназия үөрэнээччилэрэ дьүүллүүр сүбэҕэ хамаандаларын аата "Дьүкээбил" диэн ааттааҕын, онтон Тиксиитээҕи маҥнайгы нүөмэрдээх оскуола оҕолоро "Синица" диэн ааттаммыттарын кэпсээн билиһиннэрбиттэр. Иккис түһүмэххэ кыттааччылар литературнай айымньыларга сыанка туруоран көрдөрбүттэр.

Бэлиэтээн эттэххэ, бу түһүмэххэ оҕолорго нуучча суруйааччыта Александр Пушкин эбэтэр Платон Слепцов­Ойуунускай айымньыларыттан талан ылалларыгар быһаарыныы турбут. "Синица" хамаанда “Сказка о царе Салтане” остуоруйаны, оттон "Дьүкээбил" – "Көтөрдөр" айымньыны олус үчүгэйдик оонньоон көрдөрбүттэр, оруолларын арыйбыттар. Үһүс түһүмэххэ хамаандаларга викторина ыйытыыларыгар экраҥҥа тахсар эппиэттэртэн сөптөөх эппиэти биэрэр сорук турбут. Холобура, маҥнайгы ыйытыы сахалыы, онтон иккиһэ нууччалыы буолалларын Виктория Ивановна бэлиэтиир.

Тастан оҕолор хоруйдуулларын көрөр олус интэриэһинэй этэ диир кини. Дьүүллүүр сүбэҕэ культурология үөрэхтээх Самойлова Виктория Ивановна, үөрэҕирии систиэмэтин бэтэрээнэ Корякина Татьяна Васильевна уонна улуустааҕы үөрэҕирии салаатыттан Корякина Раиса Тимофеевна киирбиттэр. “Оҕолор билиилэрин таһыма куһаҕана суох этэ, оҕо билиэхтээх таһымын билэллэр, ыйытыыларга барытыгар лоп бааччы хоруйдаабыттара”, – диэн дьүүллүүр сүбэ түмүк оҥорор. Уопсай түмүгүнэн табаарыстыы көрсүһүүгэ "Дьүкээбил" хамаанда кыайыылаах тахсыбыт.

Тэрээһин бары кыттыылаахтарыгар – сертификат, ону тэҥэ оҕолору бэлэмнээбит учууталларга Горохова Найбина Иннокентьевнаҕа уонна Каратаева Ирина Федотовнаҕа Махтал суруктары туттартаабыттар. "Өйү толкуйдатар оонньуу кэнниттэн эдэр кыттааччыларбытыгар сэмэй астаах остуол тэрийбиппит. Оҕолор билсэн, айахтара аһыллан, кэпсэтии үгэнигэр оскуолалар икки ардыларыгар инникитин туох тэрээһиннэри оҥоруохха сөбүн былааннаабыттара, сүбэлэспиттэрэ, санааларын эппиттэрэ. Оонньуу түмүктэниитэ оҕолортон ыйытыыбар, саамай ыарырҕаппыт түһүмэҕинэн викторина ыйытыылара буолбута билиннэ, онтон күрэх театрализованнай түһүмэҕин олус сөбүлээбиттэр, биһирээбиттэр", – диэн Виктория Самойлова кэпсиир.

По материалам газеты "Маяк Арктики"

© 2019. Сайт МБОУ "Арктическая гимназия". Все права защищены!. .